حكاية مثل

“اللي ميعرفش يقول عدس”.. إعرف أصل المثل وقصته

“اللي ميعرفش يقول عدس” مثل قديم بيتكرر كتير قدامنا، وبنكون عايزين نعرف أصله وقصته بس مش بنكون عارفين.

النهارده في “حدوتة” هنقولكم أصل المثل الشعبي “اللي ميعرفش يقول عدس”، واللي الناس بتسخدمه للتعبير عن إن اللي ميعرفش الموضوع مفيش عتاب عليه إنه يقول أي حاجة بجهل.

أصل مثل “اللي ميعرفش يقول عدس”

أصل المثل جاء بسبب رجل كان شغال بقال زمان وكان بييع العدس والفول والبقوليات كلها.

الرجل دا في يوم وهو شغال في الدكان بتاعه، هجم عليه حرامي وسرق فلوسه وجري، بس وهو بيجري بسرعة خبط في شوال العدس فوق على الأرض ووقع عليه الشوال.

الناس لما جت شافت إن شوال العدس وقع على الرجل وإن الرجل صاحب الدكان كان بيجري ورا الحرامي، عتبوا صاحب الدكان عشان كانوا فاكرين إن الحرامي سرق شوية عدس عشان يأكل.

وقالوا للتاجر هو انت مفيش في قلبك رحمة كل دا عشان العدس، التاجر رد عليهم وقالهم “اللي ميعرفش يقول عدس”.

ودي كانت قصة المثل الشهير “اللي ميعرفش يقول عدس”.

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق